Saturday, January 29, 2005
風雪滄茫闖卡邦（五）同是灣仔快樂人
同祿山大哥一起講灣仔真過引，一來大家街坊，二來師兄，盡興。
讓我再講一下灣仔。
夜不閉戶：真無講錯，以前灣仔雖然好多雞竇酒巴吸毒，但從未聽過有小偷文雀出沒，因區內大人物做大事，一般鼠輩狗偷唔敢在灣仔出沒，所以從無小罪案。古龍那句，最危險地方最安全。
白宮桌球室：若果你在灣仔讀書唔識白宮桌球室的話，你真係乘乘仔一名啦。在灣仔道口電車路舊樓上面，有桌球，打波子機，現在有時鐘酒店添。有次中學訓導主任上波樓捉人，好彩我不在，祿山兄知唔知係邊個阿蛇，係帶踢波果個？另外各位北角寶桌球有人去過嗎？另，有無人知維多利亞保齡球場在那處？那是我小二的浦點，勁正！
298電腦：298在那裡就係人都知，但之前係乜知唔知？如無記錯，前身為餐廳酒廊，好似叫荷李活定百老匯，約八十年代中到尾的事；再之前又係乜知唔知，係灣仔圖書館所在了，那時的自修室新法妹，真光妹，聖保羅妹，鄧記妹，任睇任mark，約七十中到八十年代頭的事了；再再之前又係乜知唔知，係顛馬夜總會，有茶舞跳的地方，自已得幾歲未有見識過以前的茶舞點玩法，只知左近很多魚旦檔。到顛馬夜總會關門之後，對面馬路開左間顛馬遊戲機中心，待續。
顛馬遊戲機中心：紅屋隔離，我成日去打機。君記唔記得譚詠麟82-83年有套戲叫「君子好逑」，講吳曉輝「譚詠麟」追大學生Jojo「林青霞」的，講吳曉輝父母「順嫂」就係這間遊戲機中心的老板，有很多場戲在顛馬兩層樓上樓下拍的。另外，吳曉輝返工的地方就係以前銅鑼灣Big John的專門店，在渣甸坊和三越中間，現在好像做了G2000。因Big John，所以才有譚詠麟的牛仔衭宣言。祿山兄，戲中講吳曉輝「譚詠麟」在香港大學課室同Jojo「林青霞」示愛的那段，有個港大學生吹口哨的是敝校師兄，應該同你同一屆的，花名叫豬肉佬因面豬紅扑扑的，值得看看check check。
東成戲院：已經拆了很多年，但這裡至今出名在有鬼故事的。傳說話若果晚上十二點正在戲院洗手間內對住磈鏡切蘋果，如果果皮切斷了，就會有鬼出現了。首先，晚上十二點還去戲院已經奇怪，還要帶埋蘋果添，仲要有人會在洗手間對鏡切蘋果，真係匪夷所思啦。若然唔係撞鬼都無人信啦。
真係越講灣仔越過引，若然老了沒記性，相信可以自己拿出來懷念一下吧。
同祿山大哥一起講灣仔真過引，一來大家街坊，二來師兄，盡興。
讓我再講一下灣仔。
夜不閉戶：真無講錯，以前灣仔雖然好多雞竇酒巴吸毒，但從未聽過有小偷文雀出沒，因區內大人物做大事，一般鼠輩狗偷唔敢在灣仔出沒，所以從無小罪案。古龍那句，最危險地方最安全。
白宮桌球室：若果你在灣仔讀書唔識白宮桌球室的話，你真係乘乘仔一名啦。在灣仔道口電車路舊樓上面，有桌球，打波子機，現在有時鐘酒店添。有次中學訓導主任上波樓捉人，好彩我不在，祿山兄知唔知係邊個阿蛇，係帶踢波果個？另外各位北角寶桌球有人去過嗎？另，有無人知維多利亞保齡球場在那處？那是我小二的浦點，勁正！
298電腦：298在那裡就係人都知，但之前係乜知唔知？如無記錯，前身為餐廳酒廊，好似叫荷李活定百老匯，約八十年代中到尾的事；再之前又係乜知唔知，係灣仔圖書館所在了，那時的自修室新法妹，真光妹，聖保羅妹，鄧記妹，任睇任mark，約七十中到八十年代頭的事了；再再之前又係乜知唔知，係顛馬夜總會，有茶舞跳的地方，自已得幾歲未有見識過以前的茶舞點玩法，只知左近很多魚旦檔。到顛馬夜總會關門之後，對面馬路開左間顛馬遊戲機中心，待續。
顛馬遊戲機中心：紅屋隔離，我成日去打機。君記唔記得譚詠麟82-83年有套戲叫「君子好逑」，講吳曉輝「譚詠麟」追大學生Jojo「林青霞」的，講吳曉輝父母「順嫂」就係這間遊戲機中心的老板，有很多場戲在顛馬兩層樓上樓下拍的。另外，吳曉輝返工的地方就係以前銅鑼灣Big John的專門店，在渣甸坊和三越中間，現在好像做了G2000。因Big John，所以才有譚詠麟的牛仔衭宣言。祿山兄，戲中講吳曉輝「譚詠麟」在香港大學課室同Jojo「林青霞」示愛的那段，有個港大學生吹口哨的是敝校師兄，應該同你同一屆的，花名叫豬肉佬因面豬紅扑扑的，值得看看check check。
東成戲院：已經拆了很多年，但這裡至今出名在有鬼故事的。傳說話若果晚上十二點正在戲院洗手間內對住磈鏡切蘋果，如果果皮切斷了，就會有鬼出現了。首先，晚上十二點還去戲院已經奇怪，還要帶埋蘋果添，仲要有人會在洗手間對鏡切蘋果，真係匪夷所思啦。若然唔係撞鬼都無人信啦。
真係越講灣仔越過引，若然老了沒記性，相信可以自己拿出來懷念一下吧。
